كذب

كافيتريا المهدى ....  كذب
كافيتريا الحكمة....كذب
كوفى شوب الفردوس ... كذب
ابراهيم عيسى بطل قومى .... كذب
البردعى وحلم التغيير .... كذب
عمرو خالد داعية اسلامى .... كذب
خالد الجندى داعية اسلامى.... كذب
مصطفى حسنى داعية اسلامى... كذب
الستات اللى بيتكلموا فى الدين وبيعلمونا الدين على الفضائيات .... كذب
تفسير الاحلام على الفضائيات وابشرى يا اختى .... كذب
برامج المعارضة والتوك شو .... كذب
عمرو أديب وحركاته الارعه .... كذب
معتز الدمرداش .... كذب
منى والعاشرة مساءا... كذب
احزاب المعارضة .... كذب
الاخوان المسلمين .... كذب
جرائد المعارضة .... كذب
الجرائد القومية .... كذب حتى اسم مش على مسمى اسم فعلا غريب يعنى ايه قومية دى مفهاش ريحة القومية ممكن نقول جرائد الحكومة
أمريكا والديمقراطية .... كذب
جمهورية مصر العربية .... كذب
محافظ المنيا : مصر مفهاش فتنة طائفية .... كذب
نصارى مصر مش وخدين حقهم ومضهادين .... كذب
كنائس مصر مفهاش أسلحة .... كذب
نسبة النصارى فى مصر اكثر من 5 فى المئة .... كذب
كاميليا شحاته زاخر لم تدخل فى الاسلام ولم تقتل .... كذب
وفاء قسطنطين لم تدخل فى الاسلام ولم تقتل .... كذب
الافلام العربى ..... كذب
الافلام الاجنبى .... كذب
الاغانى العربية .... كذب
الاغانى الاجنبية .... كذب
المسرحيات.... كذب
الديمقراطية .... كذب
حرية الرأى .... كذب
حرية الصحافة .... كذب
الانتخابات ..... كذب
الاستفتاءات ..... كذب
حرية الاعتقاد .... كذب الا اذا كانت تهدم الدين اذا كانت كذلك فهى عين العقل

الوطنية فى عالم بلا هوية

كتاب الوطنية فى عالم بلا هوية لدكتور حسين كامل بهاء الدين
الكتاب ده حظه معايا وحش اوى
مش عارف اخلصه
مش عارف ليه 
يا ترى علشان ظروفه كدا
والا علشان انا مش مقتنع بالكلام اللى بقرءه
مش عارف
هوا الكتاب عموما بيتكلم عن عصر العولمة والتقدم التكنولوجى الهائل اللى وصلناله واللى متوقع نوصله
وكمان رابط بين ده وبين الانتماء حتى فى عبارة بيقولك الانتماء فى عصر الفضاء
الشاهد من الموضوع ان الكتاب رجعنى للاكتئاب تانى بعد لما كنت بقيت فى حالة مزاجية كويسه
وده طبعا غريب حد يعيش وسط الجوا اللى احنا عيشينه ده ويبقى مزاجه كويس
بس انا كنت كويس لانى بقالى حوالى اسبوعين بعيد عن الاخبار
بسمع خبر من هنا او من هنا
انما مش متابع ولا جرايد والا اى حاجة
ولا حتى لما حد يقولى فى مقال حلو منفض الفترة اللى فاتت دى جامد اوى للدرجة انى مبسوط من نفسى
بس الكتاب رجعنى وفكرنى بكل حاجة
فكرنى بأزمة هى من اهم العوامل اللى عملت فينا كدا ووصلتنا للى احنا فيه دلوقتى
التعليم
الدكتور اللى كان وزير التربية والتعليم فترة ما كنت انا فى التعليم تقريبا طول فترة تعليمى
مهوا احنا عندنا المسؤليين بيلزقوا فى الكراسى حتى كان فى واحد مرة بيتريق مش فاكر هوا مين كان بيقول
ممكن نعمل للمسؤليين كراسى تيفال علشان ميلزقوش
السيد الوزير السابق كان بيقول فى الكتاب
اننا عايزيين مدرسة غير تقليدية مدرسة غير نمطية مدرسة متقدمة تتفاعل من المجتمع
مدرسة لا تخرج قوالب ولا تتعامل مع الطلاب على انهم قوالب من نوع واحد
وكمان اتكلم عن المدرسين قالك
عايزيين مدرسين غير تقليديين عايزيين مدرس عنده مهارة اكتشاف الموهوبين والمميزيين
عايزيين مدرسيين مش بنمط الموظفيين
المهم ان الراجل كان كلامه غريب جدا انت اللى بتقول كدا
انت دانت من اكتر الناس اللى خربت المنظومة دانت مش هتتكرر تانى والا لالا عادى احمد زكى بدر بينافسك دلوقتى
انا مش عايز اظلم الراجل اوى بردو هناك دائما الاسوء
بس فقه اظلم الراجل اوى وفقه احسن الوحشيين وفقه اهو هوا يا عم احسن من غيره
الفقه ده انا مبحبوش
بضايق جدا منه
انا فى نظرى ان كلهم مجرمين يبقى محدش بقى يجى يقولى اصل ده مجرم نص ونص
انما ده مجرم اوى
اصل ده سن السكينة قبل ما يدبح العيال الصغيرة
انما ده دبح العيال على طول
انا كنت من الناس اللى دبحهم حسين كامل بهاء الدين
اخويا الصغير لسه بيعانى من مطاوى وسكاكين احمد زكى بدر
طب انا اخويا مبيحبش يروج المدرسة خالص
نفسى حد يقولى اقنعه ازاى يروح وانا اصلا مشش مقتنع
وبعدين مش اخويا بس انا متخيل ان 90 فى الميه او نسبة بين 90 الى 95 فى الميه زيه كدا
لانى كنت فى المدرسة وعارف
ذكرياتها اصلا عمله زى ذكريات واحد كان فى المعتقل
حتى انا بستغرب اوى من الناس اللى بتكتب مذكراتها ايام الدراسة
والابلة دى والاستاذ ده ومش عارف ايه
حتى لدرجة انى فكرت مرة اكتب اشوف هكتب ايه
اتلقيت نفسى لو فكرت كدا مش هكتب غير عن اشباه بنى ادميين فضلا عن انهم يكونوا مدرسيين
طب دول بالزمة يستهولوا الواحد يكتب عنهم
ناس مش عارفه قيمة المكان اللى هما فيه
ناس مش عارفه انها بتبنى مستقبل أمة
قصدى بتهدم مستقبل أمة
ناس مش فاهمه اى حاجة فى اى حاجة
وبعدين انا عايز اسأل لما يبقى المدرس اللى واقف فى الفصل ده شبه بنى ادم هيخرج ايه من تحت ايده
انا من جيل شاف الويل من المدرسيين ايامنا مثلا كان كل المدرسيين بيتكلموا فى موضوع واحد
دايما يقولولنا انتوا لما تخرجوا مش هتلقوا شغل
ابقوا قابلونى لو فلحتم
احجزلك مكان على القهوة
كلام يوصلك لمنتهى الاحباط
طب دول ينفعوا يقودوا عملية تعليميه
فضلا عن المعلومات الكتير الغلط اللى كان الواحد بيخدها من المدرسيين
طبعا معلومات بره المنهج
انا مش فاهم يعنى هما مش فاهميين اى حاجة فى اى حاجة وكمان فى المناهج بتعتهم فشله
بس ده العادى هوا انت هتستنى ايه من واحد كان داخل كليه اداب او تربيه او اى كلية من اللى بطلع مدرسيين
وهوا اصلا داخل الكلية بالعافية والاغلب مجموعه اللى عمل فيه العملة المنيلة دى يعنى حتى مكنش داخلها بارادته
عايز اتكلم للصبح عن المدرسيين
ولو الواحد فكر يعمل كتب وابحاث عنهم عمره مش هيكفى
بس مش هنقول فى الاخر الا
حسبنا الله ونعم الوكيل
و
انا لله وانا اليه راجعون
اه بس كنت عايز افكر المدرسيين انهم هيتحسبوا على كل كلمة بيقولها
وده طبعا مش جديد لان كل بنى ادم كدا
انما الجديد عند المدرسيين توابع كلامهم
والطالب ده اثرت فيه ازاى وده ازاى وكدا
دا الواحد بيفضل يحب مدرس طول عمره وبردو بيفضل يكره مدرس طول عمره
حسبنا الله ونعم الوكيل فى هذه المنظمة اللا تربوية

فى مواضيع كتير اوى ممكن نتكلم عنها

بس انا مش شايف اهم من موضوع كامليا شحاته
موضوع محزن جدا
بيخلى الواحد يحس بالضعف بضعف رهيب
خزى وعار
طب انا هقول ان الشعب المسكين ده ولاونه مش مسكين ولا حاجة دا يستاهل كل اكيد
هقول انه مغلوب على امره ملوش صوت مهما زعق وعمل محدش هيسمعه دا فرضا يعنى انما طبعا هوا مصر بس رايح عليها نومة
بس لو سلمنا بكدا انه نايم
فين الناس بتوع المعارضة
فين الاخوان المسلمين اللى هما المفروض بتوع معارضة بتوع معارضة الفساد هما فين
هما خايفيين يتكلموا علشان الانتخابات
طب هيخسروا ايه مهما كدا كدا المسحيين مبيحبوهش
والا فى عضو مجنون بيفكر ان ممكن حد مسيحى يديله صوته
يا عم دانتو المفروض ناس ليكوا اتجاه دينى انت ناسى والا ايه
والله كوميديا
وعار فى نفس الوقت
لما رئيس الجماعة بتعكوا ميتكلمش ميقولش حتى بم على كامليا شحاته
مع انه بيحب يتكلم ومبيصدق بيتكلم
والاخزى من كدا ان مفيش ولا عضو منكوا يقدم طلب احاطة فى مجلس الشعب
ايه يا رجالة هما الرجالة ماتول فعلا فى الحروب الماضية والا ايه
دانتوا بردو مبتصدقوا تقولوا وتتكلموا فى اى حاجة اشمعنا يعنى دى
انتوا عايزيين تكسبوا الشارع المسيحى على حساب الشارع المسلم
انا لله وانا اليه راجعون
هتروحوا من ربنا فين
طب انا نفسى اسأل اى عضو مش رئيس الجماعة اى عضوا لما ربنا يسألكوا هتردوا تقولوا ايه
اصل الانتخابات كانت على الابواب
اصل الناس كلها اتكلمت
اصل الشارع كان مولع  ومش ناقص
تذكرت كلمة كنت قولتها لشخص ما كان من جماعة الاخوان المسلمين وقابلنى فى العربية وكنت رايح انتخب
ودى كانت اول مرة اروح لجان انتخابات اعضاء مجلس الشغب وكنت رايح علشان انتخب خالى
مع انى كنت بقول لامى ان لو خالى نجح تبقى من علامات سوء الخاتمة لخالى وكان قرب فعلا من النجاح
بس الحمد لله ربنا اراد به خيرا ولم يدخل هذا المجلس المخزى
المهم الشخص اللى من جماعة الاخوان ده كان عمال بيتكلم معايا بس بحذر شوية علشان سمتى
كان عمال يتكلم معايا على انى انتجب مرشح الاخوان
وانا اصلا كنت عمال افكر انا هنتخب مين مع خالى مرشح الاخوان والا مين وكنت محتار
مش عارف كنت محتار ليه وفى الاخر قولت لنفسى هنتخب بتاع الاخوان وخلاص اهو على الاقل بيصلى
بس لو كنت فكرت صح كنت قولت يا عم ده بيصلى احطه ليه فى المجلس المخزى ده
المهم ان ده اللى حصل فى الاخر وانا حتى بعلم على اللى هختاره كنت لسه بفكر
المهم الشاهد من الحكاية انى قولتله انتوا بتحطوا ايديكوا مع الشيطان الرجيم علشان توصلوا للحكم
وكنت بتكلم لانهم فى الفترة دى كان فى تقارب بينهم وبين الشيعة فى ايه بالظبط مش فاكر
بس عموما لسه قريب مشعل كان هناك مع الشيعة ولا حول ولا قوة الا بالله
بالمناسبة بما انى جبت سيرة مشعل انا كنت زمان بحب اسمع كلامه اوى
وكان كلامه بيمزكنى اوى اه يا سلام ايه الكلام الجامد ده
وكنت بحس انه عنده حماس غير عادى والراجل ايه ده ملوش حل
ههههههه
وشوية وعرفت انه قاعد فى سوريا ضحكت زى ما انا بضحك وببتسم دلوقتى وانا بكتب
وحتى افتكرت النبى صلى الله عليه وسلم لما كان بيبقى فى مقدمة الجيش
قولت لنفسى طب الرجل ده بيجيب الحماس ده كله منين وهوا بيتكلم
قولت ممكن بيبعتوله صور من اللى احنا بنشوفها على النت صور للى بيعمل جيش الاحتلال فى اخونا فى فلسطين
بس انا بشوف الصور ومبعرفش اتكلم بحماس زيه
طب يمكن علشان هوا من حماس
ومتربى على الحماس
وبيخد مرتب بيخليه عنده حماس لحماس
اه لحماس والا للقضية والا للبدلة والا لسوريا
دا حتى من الحاجات الكوميدية اللى مره عملها وسمعته بنفسى انه اشاد بدور مصر مره وهوا بيتكلم
ههههههه
---------------------------------------------------------------------------------------
الجزء اللى فات ده ممكن اديله عنوان مقدمة وكامليا شحاته وجماعة الاخوان المنكوبة
---------------------------------------------------------------------------------------
الجزء ده اسمه محيرنى بس ممكن يبقى كامليا شحاته وجمعية التغيير المبعوتة
---------------------------------------------------------------
اكتر حاجة مزعلانى ان اسم كامليا شحاته يتحط جنب الاسماء دى
بس عادى فى كتير ممكن نحط جنب بعض زى كدا الصدق والكذب
والاخلاص والنفاق وحاجات كتير
جمعية التغيير العمومية الخيرية المشهرة لعام 2010 تحت مظلة وزراة التضمان الاجتماعى
حد يتصور ان الجمعية الموقرة دى بردو مجبتش سيرة كامليا شحاته والا من قريب والا من بعيد
والا البردعى اتكلم والا عبد الرحم يوسف والا حتى اى موظف صغير فيها وخد بالك من كلمة موظف دى والا حتى اى متطوع فيها
والا اى حد له فيها
مع انهم يا اخى وقفوا ضد الحكومة فى قضية خالد سعيد وولا همهم حاجة وحتى البردعى راح اسكندرية وكلام كبير اتعمل
وفساد النظام وفساد الحكومة وكلام كبير اتقال
والا خايفيين بردو زى الاخوان
بس كلمة حق تتقال هنا
الاخوان ملهمش حق يخافوا لانهم كدا كدا الكنيسة مبتحبهمش واستحالة تنتخبهم
انما دول ليهم حق يخافوا
وكمان يعملوا للكنيسة ميت الف حساب
اقباط المهجر ليهم دور كبير اوى فى شوكة الكنيسة فى مصر
وبردو مؤيدين للبردعى
ولو مش كدا حتى هوا نفسه بيلعب عليهم دور كبير
وراح الكنيسة فى العيد بتعهم ال ايه علشان بيتحدى وكمان هيقعد فى الصف الاول
بتتحدى ايه احنا هنصيع
يا سلام على المجاهد  يا راجل اتقى الله يا ناس يا مسلمين اتقوا الله
ولن ترضى عنك اليهود والنصارى حتى تتبع ملتهم
بقى انا احط ايدى فى ايد حد ربنا قالى انه عدوى
وعلشان اوصل لايه ها يا ترى لايه
سلطة - موكب كبير اوى زى بتاع فرعون - فلوس كتير اوى فى سويسرا - اصلاح
اول مرة اخد باللى ان كلمة سلطة بضم السين قريبة من كلمة سلطة بفتح السين
شوف الضم والفتح يفرق ازاى فى الكلام
ما بالك بالقرب والبعد عن الكفرة
للدرجة دى يا بردعى صوت الكنيسة مهم ليك
للدرجة دى اقباط المهجر هيفرقوا مع جمعية التغيير الخيرية المشهرة
حاجة تعل والله
-------------------------------------------------------------------------------
العامل المشترك
او الرابط اللى مش عجيب
-------------------------------------
حد فكر فى عامل مشترك بين جمعية التغيير المبعوتة وجماعة الاخوان المنكوبة
لو حد فكر ممكن يقول المعارضة للحكومة
طب حد فكر لو زودنى عليهم الاحزاب السياسية
مش هتفرق كتير بردو هتبقى المعارضة للحكومة
طب حد فكر يزود الكنيسة
بردو هبقى المعارضة للحكومة
طب لو زودنا الحكومة

 جمعيية التغيير المبعوتة وجماعة الاخوان المنكوبة والاحزاب السياسية والكنيسة والحكومة
ايه العامل المشترك

سؤال مش صعب خالص
اجابته  سهلة اوى
قتل كامليا شحاته

وانا لله وانا اليه راجعون
وحسبنا الله ونعم الوكيل
فى كل من كان له يد فى ذلك
وفى كل من كان يملك كلمة حق
وفى كل من كان له كلمة مسموعه

----------------------------------------------------------------------------------